ميمو راديوس إيه؟
نظام عربي لإدارة شبكة الإنترنت بتاعتك: مشتركينك وباقاتهم وفواتيرهم وكروتهم ورسايلهم، ومين متصل دلوقتي وبيستهلك كام. كله في لوحة واحدة شغّالة مع راوترات مايكروتيك (PPPoE وHotspot)، وكل حاجة فيها بالماوس من غير كونسول.
اللي في الاشتراك
- المشتركين والباقات: إضافة وتجديد وإيقاف وتغيير باقة، لمشترك واحد أو لمجموعة مرة واحدة.
- مين متصل دلوقتي: كل جلسة بالراوتر والـIP والاستهلاك، وتفصلها أو تغيّر سرعتها وهي شغّالة.
- الفلوس: فواتير عربية PDF بلوجو شركتك، ومصروفات وخزنة ومحافظ موزعين، وتقرير ربح وخسارة.
- كروت الشحن: توليد دفعات، وطباعة بتصميمك، ومتابعة المبيعات والمخزون.
- الخريطة والتقارير: مشتركينك على الخريطة، وتقارير بتتصدّر PDF وCSV وExcel.
- الرسايل: رسايل التجديد والانتهاء بتروح للمشترك لوحدها، وبوت واتساب، وسجل بيقولك الرسالة وصلت ولا لأ.
- بوابة المشترك: يشوف باقته واستهلاكه وفواتيره ويجدّد بنفسه، وبيثبّتها على موبايله كتطبيق.
- الأمان: صلاحيات لكل موظف، وتحقق بخطوتين للمدراء، ونسخ احتياطي إحنا اللي متابعينه على الكلاود.
بعد الدفع إيه اللي بيحصل؟
- بنجهّز لوحتك على سيرفر خاص بيك، ونبعتلك رابطها وبيانات الدخول.
- تضيف الراوتر من اللوحة. على الكلاود بيشتغل مع RouterOS 6 و7: راوتر 7 بيوصل بنفق WireGuard، وراوتر 6 بنفق SSTP. وVPN الإدارة يوصّلك لراوتراتك من برّه، والفني يفتح Winbox من موبايله.
- تعمل باقاتك وتضيف مشتركينك. لو جاي من واحد من أشهر أنظمة الراديوس، بترفع قاعدته نفسها وبتتقري على طول. لأي نظام تاني بترفع بالنموذج الجاهز إكسل أو CSV. وبتشوف معاينة قبل أي كتابة.
الشريحة والمدة
الشريحة هي أقصى عدد متصلين في نفس اللحظة، مش عدد المشتركين المسجّلين. يعني شريحة 250 ممكن تخدم مشتركين مسجّلين أكتر بكتير، طالما اللي بيبقوا أونلاين مع بعض في الذروة 250 أو أقل. ولو شبكتك كبرت، تكبّر الشريحة في نص المدة.
الـ3 شهور بتوفّر 5%، والـ6 شهور بتوفّر 10%، والسنة بسعر 10 شهور.
الدفع
- من المتجر: أونلاين، والمبلغ بالجنيه المصري بسعر صرف اليوم. وهنا بيشتغل كود MEMO20.
- بالعملات الرقمية: على Binance أو Bybit. راسلنا على تليجرام بالشريحة والمدة وهنبعتلك بيانات التحويل.
لو الاشتراك خلص؟
فيه مهلة 3 أيام بعد تاريخ الانتهاء. لو مجدّدتش خلالها السيرفر بيتوقف، ومعاه دخول المشتركين، لحد ما تجدّد. أول ما تجدّد بيرجع يشتغل لوحده، وبياناتك مش بتتمسح.
عايز تشوف قبل ما تشترك؟
النسخة التجريبية مفتوحة لأي حد ببيانات وهمية: 3001.technomeem.com باسم المستخدم demo وكلمة المرور demo. وكل الشاشات والأسئلة في صفحة ميمو راديوس.
عندك سؤال؟ راسلنا على تليجرام.
المراجعات
لا توجد مراجعات بعد.